باہرلے ملک رہنڑ آلے پاکستانی کوروناوائرس نال بنڑنڑ آلی صورتحال نال نبڑنڑ سانگے وزیر اعظم ریلیف فنڈ اچ ودھ چڑھ کراہیں حصہ گھنن، لاک ڈاﺅن پاروں غربت ودھدی ویندی اے،انشاءاللہ اساں کوروناوائرس تے قابو پاونڑ اچ کامیاب تھی ویسوں،وزیراعظم عمران خان دا باہرلے ملک رہنڑ آلے پاکستانیاں دے ناں ویڈیو سنیھا

اسلام آباد ۔ 13 اپریل (اے پی پی) وزیر اعظم عمران خان آکھیا جو باہرلے ملک رہنڑ آلے پاکستانی کوروناوائرس نال بنڑنڑ آلی صورتحال نال نبڑنڑ سانگے وزیر اعظم ریلیف فنڈ اچ ودھ چڑھ کراہیں حصہ گھنن، لاک ڈاﺅن پاروں غربت ودھدی ویندی اے،انشاءاللہ اساں کوروناوائرس تے قابو پاونڑ اچ کامیاب تھی ویسوں۔اے گالھیں انہاں سنوار کوں باہرلے ملک رہنڑ آلے پاکستانیاں دے ناں ویڈیو سنیھا اچ آکھی۔انہاں آکھیا جو پاکستان سمیت پوری دنیا کوں کوروناوباءدا چیلنج اے۔لا ک ڈاﺅن پاروں حالات چنگے کائنی۔پاکستان سمیت دنیا اچ غربت ودھدی ویندی اے۔انہاں آکھیا جو امریکہ اپنڑی 30کروڑ دی آبادی سانگے ریلیف سانگے 2200ارب ڈالر،جرمنی اتے جاپان ہک ہک ہزار ارب ڈالر توں ودھ رقم رکھی اے جڈانجو اساں اپنڑے ملک د ی22کروڑ آبادی سانگے 8ارب ڈالر دا پیکیج ڈتے۔انہاں آکھیا جو باہرلے ملک رہنڑ آلے پاکستانی کوروناوائرس نال بنڑنڑ آلی صورتحال نال نبڑنڑ سانگے وزیر اعظم ریلیف فنڈ اچ ودھ چڑھ کراہیں حصہ گھنن، لاک ڈاﺅن پاروں غربت ودھدی ویندی اے،انشاءاللہ اساں کوروناوائرس تے قابو پاونڑ اچ کامیاب تھی ویسوں۔