بھارتی غیر قانونی مقبوضہ جموں و کشمیراچ انسانی حقوق دی سنگین صورتحال پاروں بھارت نال بیک چینل ڈپلومیسی دا سوال ہی نئیں بنڑدا،کشمیر دے معاملے تے او آئی سی پاکستان نال پورا تعاون کرینداپئے، پاکستان عدالتی حکم دے مطابق کلبھوشن دے معاملہ تے بھارت کوں ہک بیا موقع ڈیونڑ کیتے رابطہ کیتے، ترجمان دفتر خارجہ عائشہ فاروقی دی ہفتہ وار بریفنگ

اسلام آباد ۔ 6 اگست (اے پی پی) ترجمان دفتر خارجہ عائشہ فاروقی پاکستان اتے بھارت وچال کہیں وی بیک ڈور ڈپلومیسی دا امکان مسترد کریندے آکھیے جو بھارتی غیر قانونی مقبوضہ جموں و کشمیراچ انسانی حقوق دی سنگین صورتحال پاروں بھارت نال بیک چینل ڈپلومیسی دا سوال ہی نئیں بنڑدا،کستان عدالتی حکم دے مطابق کلبھوشن دے معاملہ تے بھارت کوں ہک بیا موقع ڈیونڑ کیتے رابطہ کیتے،کشمیر دے معاملے تے او آئی سی پاکستان نال پورا تعاون کرینداپئے، ترجمان دفتر خارجہ عائشہ فاروقی ہفتہ وار بریفنگ اچ آکھیے جو 14 اگست کوں سیّد علی گیلانی کوں نشان پاکستان ڈتا ویسی، پنج اگست کوں پاکستان بھارت ولوں مقبوجہ جموں اتے کشمیر اچ غیر قانونی اتے یکطرفہ اقدامات دا ہک سال تھیونڑ تے کشمیریاں نال تکڑا اظہار یکجہتی کیتے اتے پورے جگ اچ کشمیر دی آواز پچائی گئی اے،بدھ کوں بھارت دی بھرپور مخالفت دے باوجود مسئلہ کشمیر ہک سال دے اندرو تریجھی واری سلامتی کونسل اچ زیر بحث لایاگئے، چین وی کشمیرتے بیان ڈتے جیڑھا کشمیر تے پاکستان دے موقف دی کامیابی اے،سلامتی کونسل اچ بحث واضح کریندی اے جو مسئلہ کشمیر یو این قرارداداں دے مطابق حل طلب اے اتے اے سروں بھارت دا اندرونی معاملہ کائنی،دوست ملک اتے عالمی برادری مسلہ کشمیر دے حل اچ سنجیدگی ڈکھیندے پین۔انہاںآ ٓکھیے جوپاکستان اپنڑے سیاسی نقشے دے اجراءتے بھارتی بیان مسترد کرڈتے اتے آکھیے جو ایندے تے سارے ارکان پارلیمنٹ کوں اعتماد اچ گھدا گئے۔ ترجمان پچھلے ڈینھ بن شاہی سیکٹر دیر اچ پاکستانی پوسٹاں تے دہشت گرداں اتے افغان فورسز دی فائرنگ دی وی سخت مذمت کیتی اتے آکھیے جو پاکستان سرحد تے کہیں وی حملے دا ولدا ڈیونڑجانڑدے،ایندے تے افغان آرمی کوں بن شاہی اچ بارڈر فلیگ میٹنگ دا آکھیے۔انہان بیروت دھماکیاں تے وی افسوس کیتے۔