ریاض ۔ 18 مئی (اے پی پی) سعودی عرب دے اسسٹنٹ ڈپٹی وزیر وزارت لیبر محمد الفلاح اپنڑے ہک بیان اچ آکھیا ہے جو جیرھی کمپنی یا فرم اپنڑے ملازماں دے تحفظ سانگے اقدامات نہ کریسی اینکوں 25ہزار ریال جرمانہ کیتا ویسی۔عرب خبر رساں ادارے دے مطابق محمد الفلاح اپنڑے ہک بیان اچ آکھیا ہے جو ساریاں کمپنیاں اتے فرمز اپنڑے ملازماں دے رہنڑ دیاں جہیں تے صحت متعلق بنڑائے گے قنون تے عمل کرن۔خاص طور تے تعمیرات دے شعبے دیاں کمپنیاں اپنڑے ملازماں دی سیفٹی دا خیال رکھن کیوں جو تعمیرات دے دوران بہوں سارے ملازم حادثیں دا شکار تھی ویندے ہن ۔انہاں آکھیاواضح کیتا جو وزارت دے اہلکار معمول دے مطابق مختلف کمپنیاں دا دورہ کریندے رہندے ہن تاں جو کہیں وی ہنگامی صورت حال اچ وزارت لیبر 19911تے رابطہ کیتا ونج سگدا ہے ۔
