اجلاس اچ وزیر اعظم محمد نواز شریف دی وختی چنگی صحت دی دعا
اسلام آباد ۔ 31 مئی (اے پی پی)صدر مملکت ممنون حسین آکھیا ہے جو مسلم معاشریں اچ سائنس تے ٹیکنالوجی کوں ودھارا ڈے تے غربت تے صحت عامہ دیاں سہولتاں اچ ودھارا خوراک اتے پانڑیں تے بجلی دے محفوظ ذخیرے وجود اچ لاتے ونج سگدے ہن،کامسٹیک جنرل اسمبلی دا مقصد اسلامی معاشریں اچ سائنس اتے ٹیکنالوجی دا ودھارا ہے، مسلم دنیا کوں اپنڑے تحقیق تے ترقی دے بجٹ اچ وختی ودھارا کرنڑاں چاہیدے ۔ انہاں اے گالھ سائنس اتے ٹیکنالوجی دے ودھارے بارے او آئی سی دے ادارے کامسٹیک دی 15ویں جنرل اسمبلی دے افتتاح دے موقع تے آکھی۔ صدر مملکت آکھیا جو اساں سائنس تے ٹیکنالوجی دے ودھارے نال غربت دا خاتمہ اتے عوام دی زندگی دا معیار اچا کر سگدوں۔ انہاں آکھیا جو کامسٹیک جنرل اسمبلی دا مقصد اسلامی معاشریں اچ سائنس اتے ٹیکنالوجی دا ودھارا ہے۔ صدر مملکت آکھیا جو مسلم ملکاں اچ سائنس تے ٹیکنالوجی دی ترقی دے ذریعے اقوام متحدہ دے پائیدار ترقی دے اہداف دا حصول یقینی بنڑا سگدے ہن ،اساں سائنس تے ٹیکنالوجی کوں ودھارا ڈے تے مسلماناں دے عظیم روایات دے مطابق علمی بنیاداں کوں مستحکم کرنڑ اچ کامیاب تھی ویسوں ،اساڈا مقصد اسلامی ملکاں اچ خوراک پانڑیں تے بجلی دے محفوظ ذخیریں اچ ودھارا کرنڑ ہے اساں اپنڑے معاشرے اچ امن تے ترقی کوں یقینی بنڑاونڑ چاہندوں۔سائنس کوں نظر انداز کرنڑ دی وجہ توں مسلم دنیا کوں اپنڑی تکنیکی ضرورتاں سانگے ترقی یافتہ دنیا تے انحصار کرنڑاں پیا ۔مسلم دنیا کوں اپنڑے تحقیق دے بجٹ اچ وختی ودھارا کرنڑاں چاہیدے ۔انہاں آکھیا جو مسلم ملکاں اچ سائنس دی ترقی سانگے کامٹیک دا ڈاہ سالہ منصوبہ بہوں اہم ہے جیں تے عمل کرتے ترقی دی راہ تے ٹریا ونج سگدے ۔کامسٹیک جنرل اسمبلی دے اجلاس اچ وزیراعظم نواز شریف دی وختی چنگی صحت دی دعا کیتی گی ۔کامسٹیک جنرل اسمبلی اچ اسلامی ملکاں دے او آئی سی دے سارے رکن ملک شرکت کریندے پے ہن ۔ایں موقع تے صدرمملکت ممنون حسین مسلم دنیا دے ممتاز سائنس داناں کوں ایوارڈ وی ڈتے ۔
