ریاض ۔ 16 مئی (اے پی پی) سعودی عرب دے شہر مکہ اچ مشرق وسطی دے ساریں توں وڈے تے جدید سیکورٹی کمانڈ سنٹر دا افتتاح تھیسی۔عرب خبر رساں ادارے دے مطابق سعودی عرب دی وزارت داخلہ قومی مرکز مشترکہ سیکیورٹی دے انتظام سانگے 16سوافسراںاتے پرائیویٹ اہلکاراں کوں تربیت ڈتی ہے۔ گزریل سال سعودی ولی عہد شہزادہ محمد بن نائف کمان مرکز اچ قائم روڈ سیکیورٹی کنٹرول روم دا ا فتتاح کیتا ہا جیں کو 911دے ذریعے رپورٹس ملدیاں رہیاں جڈاں جو نویں سیکورٹی مرکز دے قیام دے بعد ایندی کمان دے نمبر 911کوں مختلف سیکورٹی دے شعبے نال بدال ڈتا ویسی ۔ایں مشترکہ نمبر نال معلومتا کجھ سیکنڈ اچ ہک شعبے کوں ڈوجھے شعبے تئیں پجایاں ونج سگدیاں ہن ۔جدید سیکورٹی مرکز دے قیام دے بعد وزارت داخلہ موجودہ اپریشنز روم وی ختم کرنڑ دا ارادہ رکھیندی ہے ۔انھاں کوں ہک جاہ توں بئی جاہ تے منتقل کیتا ویسی جتھاں ہک ویلھے اچ400توں ودھ افسر اتے پرائیویٹ اہلکار اپنڑیاں خذمتاں سرا نجام ڈیسن ۔
