سکھر ۔ 6 مئی (اے پی پی) وزیراعظم محمد نوازشریف جمعے کوں لاہور کراچی موٹروے دے سکھر ملتان سیکشن دا سنگ بنیاد رکھ ڈتا۔ایں توں پہلے سکھر آمد تے وزیراعلیٰ سندھ سید قائم علی شاہ سکھر ایئر پورٹ تے وزیراعظم دا خیرمقدم کیتا، وزیر مملکت عبدالحکیم بلوچ اتے بے اعلیٰ حکام وی ایں موقع تے موجود ہن۔اے منصوبہ چین پاکستان اکنامک اقتصادی راہداری دا حصہ ہے جیںکوں وزیراعظم دی ہدایت تے کراچی کوں پشاوردے نال موٹرویز دے نیٹ ورک دے ذریعے جوڑنڑ سانگے شروع کیتا گئیا ہے ۔سکھر ملتان موٹر وے 393 کلومیٹر طویل لمبی ہوسی اتے اے قومی اہمیت دا حامل منصوبہ ہے۔ ملتان توں شروع تھی تے اے 6 لین موٹر وے جلالپور پیر والا، احمد پور شرقیہ، اوباڑو، پنوں عاقل توں تھی تے سکھر تئیں ویسی۔ منصوبے دے تحت دریائے ستلج تے ہک وڈے پل سمیت 54پلاں بنڑایاں ویسن جڈاں جو موٹر وے دے ایں سیکشن اچ 12 سروس ایریاز، 10 ریسٹ ایریاز، 11 انٹر چینج، 10 فلائی اوور اتے 426 انڈر پاس ہوسن۔ ایں موٹر وے دی تعمیر نال سندھ اتے پنجاب وچال مواصلاتی رابطے تھکے تھیسن اتے گاڈیاں بہوں گھٹ ویلھے اچ توڑ پجسن ۔اے منصوبہ چین دیف مالی تعاون نال پورا کیتا ویسی ایندا غھیکہ میسرز چائنہ سٹیٹ کنسٹرکشن انجینئرنگ کارپوریشن کوں ڈتا گئیا ہے۔
