لاہور۔29 مئی(اے پی پی )وزیر اعلیٰ پنجاب محمد شہباز شریف آکھے جو تکھے نال صنعتی تے معاشی ترقی کیتے توانائی بحران دا جلدی خاتمہ ناگزیر اے ایہو وجہ اے جو وزیر اعظم محمد نواز شریف دی قیادت اچ توانائی دی گھٹکی دے مسئلے تے قابو پاونڑکیتے ڈینھ رات ہک کر ڈتے ، چائنہ پاکستان اکنامک کوریڈور دے تحت 34 ارب ڈالر توانائی دے منصوبیاں کیتے مختص کیتے گئین، حکومت توانائی بحران دے جلدی خاتمے کیتے سنجیدہ اے اتے ایں مقصد سانگے ہر ضروری اقدام چاتا ویندا پیا اے تے آندے ڈو سالاں اچ توانائی دے کئی منصوبیاں دی تکمیل نال ہزاراں میگا واٹ بجلی ملسی،بجلی دی گھٹکی پرتے کرنڑ سانگے کوئلے ، ہائیڈل، سولر ، ہوا، گیس اتے ڈوجھے ذرائع نال بجلی دے حصول تے کم کریندے پئین،بجلی دے منصوبیاںدی ویلے تے تکمیل پوری قوم دی آواز اساڈا مشن اے اتے پاکستان مسلم لیگ (ن) دی حکومت ملک کوں اندھیریاںتوں کڈھ تے روشنیاں اچ گھن آونڑ دا سفر ہر صورت اچ پوار کریسی ، انھاں اکھے جو لگنڑ الے توانائی دے منصوبیاں نال زراعت،صنعت اتے ڈوجھے شعبیاں کیتے وافر بجلی ملسی ۔انھاں اکھیا جو ساہیوال اچ 1320میگا واٹ دے کول پاور پلانٹ تے تکھے نال کم تھیندا پئے تے ایویں ای قائد اعظم سولر پارک بہاولپور اچ وی سولر دے منصوبے لگدے پئین جیڑھی جلدی پورے تھیسن ـقائد اعظم سولر پارک بہاولپور اچ پنجاب حکومت آپدے وسائل توں پہلے ای 100 میگا واٹ دا سولر منصوبہ پورا کر چکی اے
