اسلام آباد۔07 مئی ( اے پی پی )وفاقی وزیر اطلاعات، نشریات و قومی ورثہ سینیٹر پرویز رشید پاکستانی نژاد صادق خان کوں لندن دے میئر دا انتخاب جیتنڑ تے مبارخ ڈتی ہے ۔ آپنڑیں ہک بیان اچ انہاں آکھے جو صادق خان دی جیت اتے زیک گولڈ سمتھ دی شکست لندن ا چ وی ” رو عمران رو ” دی آواز اوچی کرڈتی ہے ۔ عمران خان آپنڑیں سارے ٹبر نال ہک پاکستانی نژاد دے خلاف انتخابی مہم چلیندے پئے ہن جڈانجو لندن اچ وی لوکیں انہاں دی کوڑ دی سیاست کوں مٹی اچ ملاڈتے ۔ وفاقی وزیر اطلاعات و نشریات سینیٹر پرویز رشید دا بیا آکھنڑ ہئی جو لندن دی تریخ اچ پہلی واری ہک پاکستانی نژاد دی جیت ساریاں پاکستانیاں کیتے خوشی دی وجہ ہے ۔ ہک مزدور دے پُتر دی لندن اچ سیاسی فتح تے ہر پاکستانی اتے محنت کش دا سر فخر نال بلند تھی گئے ۔
