اسلام آباد ۔ 7 جون(اے پی پی)اسلام آباد، راولپنڈی، گوجرانوالہ ڈویژن اتے کشمیر اچ کجھ جہیں تے اندھاری اتے کھمنڑ نال مینھ وسنڑ دا مکان ہے ۔ محکمہ موسمیات دے مطابق ملک دے بہوں ساگے میدانی علاقیں اچ آندے ترائے ڈینھ دے دوران موسم ودھ سارا گرم تے رکھا رہسی اتے وسطی جنوبی پنجاب ،میدانی سندھ دے بہوں سانگے علاقیں اچ درجہ حرارت 48 توں 50 ڈگری سینٹی گریڈ رہنڑ دا امکان ہے۔ گزریل 24 گھنٹے دے دوران اسلام آباد راولپنڈی سمیت اتلے پنجاب ،خیبر پختونخوا اتے میدانی سندھ اچ موسم ودھ سارا گرم رہیا۔ ساریں توں ودھ درجہ حرارت جیکب آباد اچ51 ڈگری سینٹی گریڈ ریکارڈکیتا گیا۔آندے 24گھنٹے دے دوران اسلام آباد راولپنڈی سمیت گوجرانوالہ ڈویژن اتے کشمیر اچ کجھ جہیں تے اندھاری اتے کھمنڑ نال مینھ وسسی ، وسطی اتے جنوبی میدانی علاقیں ڈی جی خان، ملتان، بہاولپور، ڈی آئی خان،سکھر، لاڑکانہ، شہید بینظیر آباد، حیدرآباد،کوہاٹ، پشاور ڈویژن اچ موسم گرم رہنڑ دی توقع ہے۔
