اسلام آباد ۔ 14 جون (اے پی پی) چیئرمین سینیٹ میاں رضا ربانی آکھیا ہے جو لاہور سمیت ملک دے مختلف علاقیاں اچ تریمتاں تے چھوہریں کوں ساڑ ڈیونڑ دے واقعات دے معاملے تے ایوان بالا معاشرے کوں جگاونڑ دی کوشش کیتی ہے ۔منگل کوں ایوان بالا عوامی اہمیت دے معاملے تے سینیٹر ڈاکٹر بابر اعوان آکھیا ہے جو تریمت اتے بالا ں کوں جیندا ساڑ ڈیوںڑ دے واقعات افسوسناک ہن صرف نوٹس گھننڑ نال کجھ کائنی تھیسی ،قصور دے واقعے دا وی کوئی فیصلہ نی آیا چیئر مین سینیٹ آکھیا ہے جو لاہور اچ بالڑیں کوں جیندا ساڑ ڈیونڑ دے واقعے دے بعد ایوان ایں معاملے کوں انسانی حقوق کمیٹی کوں بھجوا ڈتا تاں جو ایں حوالے نال ضروری قنونی سازی کیتی ونج سگے ۔پارلیمان دی تاریخ اچ پہلی دفعہ سوسائٹی کوں ویک اپ کال ڈیونڑ سانگے ایوان دی کاروائی ملتوی کیتی گی تاں جو معاشرے کوں جگاونڑ دی پہل سینیٹ اچوں تھیوے ۔ سینیٹ انٹرنیٹ تے فحش پروگراماں ( پورنو گرافی) دے انسدادسانگے بل منظور کر تے قومی اسمبلی کوں بھجواڈتا ہے۔ سینیٹ تاں اپنڑاں کم کریندی پئی ہے امید ہے جو قومی اسمبلی وی ایں معاملے کوں ڈیکھسی
