اسلام آباد ۔ 24 جون (اے پی پی) نیشنل ڈیٹا بیس اینڈ رجسٹریشن اتھارٹی (نادرا) جعلی شناختی کارڈز رکھنڑ آلے لوکاں سانگے ڈو مہیناں دی ایمنسٹی سکیم دااعلان کر ڈتا ہے جیندے مطابق ڈو مہیناں دے اندر اندر ایجھے بندے رضاکارانہ طور تے خود کوں پیش کرین ناں تاں 31 اگست 2016ءدے بعد انہاں کوں جعلی شناختی کارڈ رکھنڑتے 14 سال تائیں قید اتے ملک بدر کیتے ونجنڑ دیاں سزا واںوی ڈتیاں ونج جاسگدیاں ہن ۔ وزارت داخلہ دے ذرائع دے مطابق نادرا ولوں جعلی شناختی کارڈ یا رجسٹریشن دے حامل لوکاں کوں متنبہ کیتا گیا ہے جوا وہ یکم جولائی 2016ءتوں 31 اگست 2016ءتائیں کہیں وی قنونی کارروائی توں بچنڑ سانگے نادرا ولوں قائم کیتی گئی ہیلپ لائن 7000 تے اطلاع یا کہیں وی نیڑے دے نادرا سینٹر نال رابطہ قائم کر تے خود کوں پیش کر ڈیونڑں ناں تاں 31 اگست 2016ءدے بعد شناخت ظاہر ہونڑ دی صورت وچ 14 سال تائیںقید یا ملک بدر کرنڑ دی سزا ڈتی ونج جاسگدی ہے۔ ذرائع دا آکھنڑ ہے جو رضاکارانہ طور تے ا پنڑی جعلی شناخت ظاہر کرنڑ آلیاں کوں ملک بدر کرنڑ دی بجائے پناہ گزین دی حیثیت نال رجسٹر کرگھدا ویسی ۔
