اسلام آباد ۔ 22 جون(اے پی پی) امریکی شہر کیلیفورنیا اچ منعقد تھیونڑ آلی ”ستویں سالانہ انٹرپرینیور شپ سمٹ“ اچ 21 پاکستانی وفد شرکت کریسن۔ بین الاقوامی کانفرنس اچ دنیا اچوں 700توں ودھ ادارے شریک تھیندے پن ۔ترائے ڈینہاں دی کانفرنس 24جون 2016تئیں جاری رہسی ۔امریکی سفارت خانہ آکھیا ہے جو کانفرنس اچ دنیا دے مختلف ملکاں نال تعلق رکھنڑ آلے سرمایہ کار اتے کاروباری رہنما شریک تھیسن جیرھے جو ہک ڈوجھے دے تجربیں توں فائدہ چا سگسن ۔بین الاقوامی کانفرنس اچ شرکت سانگے پاکستا ن دے اکوی وفداں کوں چھیکڑی شکل ڈے ڈتی گی ہے جیں اچ سائنس تے ٹیکنالوجی سمیت بئے مختلف شعبیں دے وفد شامل ہن ۔
