اسلام آباد ۔ 18 جولائی (اے پی پی) اوچ شریف دے علاقے اچ مسافر کوچ تے ٹرالے وچال ٹکر پاروں 2مسافر جاں بحق ، 6 زخمی تھی گن۔ نجی ٹیلی ویژن دی رپورٹ دے مطابق اوچ شریف اچ قومی شاہراہ تے بوہڑ واہ دے نیڑے تکھی رفتار پاروں مسافراں دی کوچ ٹرالے نال ٹکر گی جیں پاروں ڈو مسافر موقع تے جاں بحق تے چھی زخمی تھی گے ۔ پو لیس دے مطابق مسافر کوچ مانسہرہ توں کراچی ویندی پئی ہئی ۔جاں بحق لوکاں دیاں لاشاں بس دی باڈی کٹ تے کھڈیاں گیاں ۔زخمی تھیونڑ آلے لوکاں کوں اوچ شریف ، احمد پور شرقیہ تے ترنڈہ محمد پناہ دے نیڑے ہسپتالاں اچ منتقل کر ڈتا گیا ہے۔
