گوجر خان ۔ 27 جولائی (اے پی پی) صدر مملکت ممنون حسین ولوں کیپٹن محمد سرور شہید دے مزارتے پھلاں دی چادر چڑھائی گئی۔ کیپٹن محمد سرور شہید دی برسی دے موقعے تے پھلاں دی چادر چڑھاونڑ کیتے صدر مملکت ممنون حسین دے ملٹری سیکرٹری بدھ کوں گوجر خان اچ کیپٹن راجہ محمد سرور شہید دے مزار تے حاضری ڈتی ۔ ایں موقعے تے صدر مملکت آپنڑیں سنیہے اچ آکھے جو قوم ملک دی خاطر جان دا نذرانہ پیش کرنڑآلے شہیداں کوں ہمیشہ یاد رکھیسی ۔ صدر مملکت آکھیا جو کیپٹن راجہ محمد سرور شہید دی بہادری تے شجاعت پاکستانی نینگراں اچ جوش تے جذبہ پیدا کریندی راہسی اتے او وی انہاں دے قدماں تے ٹُردے ہوئیں دشمن دے ناپاک عزائم کوں مٹی اچ ملاونڑ کیتے پر عزم ہن ۔
