اسلام آباد ۔ 27 جولائی (اے پی پی)مشیر خارجہ سرتاج عزیز دی آسیان ریجنل فورم دے وزارتی اجلاس دے موقع تے سنگا پور،ناروے،نیوزی لینڈ ،لائوس اتے امریکہ دے وزراء خارجہ نال ملاقاتاں کیتیاں ۔چھیکڑی سیشن اچ 27ملکاں دے وزراء خارجہ شریک تھیے۔دفتر خارجہ دے ترجمان دے مطابق سارے رکن ملکاں عالمی سطح تے دہشت گردی،مائیگریشن،مہاجرین ،موسمیاتی تبدلی اتے میری ٹائم سکیورٹی د ے تکھے ودھدے ہوئے چیلنجز تے مشورے اتے تعاون کوں تکھا کرنڑ تے اتفاق کیتا۔ڈو ڈینھ واری وزارتی اجلاس اچ جنوبی چینی سمندر اتے کوریا ولوں ایٹمی دھماکہ سمیت بئے معاملیان تے بحث کیتی گئی ۔۔ اے آر ایف ایشیاء پیسفک ریجن اچ سیاسی اتے سیکورٹی مذاکرات سانگے اہم فورم اتے 10آسیان ملک پاکستان،چین ،امریکہ،روس،یورپی یونین اتے بھارت سمیت 27رکن ملکاں تے مشتمل اے۔
