اسلام آباد۔ 21 جولائی (اے پی پی) پاکستان اجوکے سال شیڈول ایشین بیچ گیمز اچ شرکت کریسی۔ میگا گیمز 23 ستمبر توں 3 اکتوبرتئیں ویتنام اچ تھیسن۔ ڈوہفتے تئیں جاری رہنڑ آلیاں گیمز اچ 45 ایشیائی ملکاں توں 5 ہزار دے نیڑے ایتھلیٹس دی شرکت متوقع ہے تے ایتھلیٹس 12 مختلف کھیڈاں دے مقابلے اچ طلائی تمغے دے حصول سانگے اپنڑیاں صلاحیتان دے جوہر ڈکھیسن ۔ گیمزدے حوالے نال شریک ملکاں دے چیف ڈی مشنز دا اجلاس وی گزریل ہفتے ویتنام اچ تھیا جیں اچ سندھ اولمپک ایسوسی ایشن دے سیکرٹری احمد علی راجپوت ملک دی نمائندگی کیتی ہئی
