اسلام آباد ۔ 28 جولائی(اے پی پی) ایوان بالا کوں ڈسایا گئیا جو پاکستان اچ ہک ملین دے نیڑے افغانیاں دا دستاویزات اچ انداراج کائنی ،ہنڑ فیصلہ تھیے جو افغانی خود آپنڑے لوکاں دی ڈاکومنٹیشن کریسن اتے انہاں کوں کاغذات ایشو کیتے ویسن،رجسٹرڈ افغان پناہ گزیناں دی وطن واپسی دا پلان وزارت سیفران بنڑائے۔خمیس کوں ایوان بالا دے اجلاس اچ سینیٹر احمد حسن دے سوال دے جواب اچ فاقی وزیر سیفران لیفٹیننٹ جنرل (ر) عبدالقادر بلوچ ڈسایا جو اجوکے ویلھے پاکستان اچ 1.5ملین رجسٹرڈ اتے اوسطاً ہک ملین ایجھے افغانی ہن جنہاں دا دستاویزات اچ ناں کائنی۔وزیر اعظم رجسٹرڈ افغان پناہ گزیناں دے پی او کارڈز دی معیاد اچ 31دسمبر2016ء تئیں دی توسیع کر ڈتی اے۔ایندے بعد کوئی توسیع کائنا کیتی ویسی۔
