کوئٹہ ۔ 4 اگست (اے پی پی) صدر مملکت ممنون حسین آکھیا جو بلوچستان خوشحالی دی راہ تے ٹردا پئے،چائنہ پاکستان اکنامک کوریڈور دے منصوبیاں دی تکمیل تے صوبہ اچ ترقی دے نواں دور شروع تھیسی،اکنامک کوریڈور پراجیکٹس، گوادر اچ گھاٹے سمندر دی بندرگاہ دی اپ گریڈیشن،گوادر پورٹ ایکسپریس وے اتے گوادر انٹرنیشنل ایئرپورٹ صوبے اچ معاشی ترقی کوں یقینی بنڑایا ویسی اتے انہاں توں روزگار دے زبردست موقع پیدا تھیسن۔اے گالھیں خمیس کوں اتھاں صدر مملکت ممنون حسین دی گورنر بلوچستان محمد خان اچکزئی اتے وزیراعلیٰ نواب ثناء اﷲ زہری نال ملاقات اچ گالھ مہاڑ کریندیں ہوئیں آکھی۔انہاں آکھیا جو حکومت بلوچستان کوں بئے صوبیاں دے برابر گھن آونڑ سانگے جاری ترقیاتی منصوبیاں کوں ویلھے تے پورا کرنڑ دا عزم کر رکھیے۔گورنر تے وزیر اعلیٰ بلوچستان ،بلوچستان دی ترقی اچ دلچسپی گھنڑ تے صدر دا شکریہ ادا کیتا اتے انہاں کوں صوبے دے ترقیاتی منصوبیاں دی اجوکی صورتحال بارے ڈسایا۔
