راولپنڈی ۔ 9 اگست (اے پی پی) بری فوج دے سربراہ جنرل راحیل شریف آکھیا جو بہادر مسلح فوج کہیں کوں دہشت گردی دے خلاف کامیابیاں دے رستے اچ رپھنڑ کائنا پاونڑ ڈیسوں،انسداددہشت گردی سانگے موثر کاروائیاں سانگے صوبائی قانون نافذ کرنڑ آلے اداریاں دی تربیت،وسائل اتے منصوبہ بندی دے ذریعے انہاں دی استعداد کار کوں ودھاونڑ سانگے پوری مدد کیتی ونجے۔او منگل کوں جی ایچ کیو راولپنڈی اچ کورکمانڈر کانفرنس نال خطاب کریندے پئے ہن ۔پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل راحیل شریف دی صدارت اچ تھیونڑ آلی کورکمانڈر کانفرنس اچ شریکاں کوں سارے کور کمانڈر اتے پرنسپل سٹاف آفیسر ز شرکت کیتی۔ک فوج دے کمانڈر اتے انٹیلی جنس اداریاں کوں دہشت گرداں اتے سلیپرز سیلز کوں ختم کرنڑ سانگے بھرپور قوت نال کومبنگ آپریشن اتے ٹارگٹڈ آپریشن بئیا تکھا کرنڑ دی ہدایت کیتی گئی۔
