اسلام آباد ۔ 14 اگست (اے پی پی) وزیراعظم محمد نواز شریف آکھیا جو عوام دھرنے دی منفی سیاست کو ںمسترد کرڈتے اتے لوک صرف ملک دی خوشحالی تے ترقی کیتے اقدامات دی حمایت کریندے ہن ۔ وزیراعظم اے گالھ اتوارکوں اتھاں قومی ایئرلائن پی آئی اے دی پریمیئر سروس دے آغاز دے موقعے تے صحافیاں نال گالھ مہاڑ کریندے ہوئیں آکھی ۔ وزیراعظم آکھیا جو لوک باشعور ہن اتے او ایں طرح دے عناصر دی حمایت نہیں کریندے ۔ وزیراعظم آکھیا جو ملک کوں ایں ویلھے احتجاج نہیں جڈانجو مکالمے دی سیاست دے تسلسل دی لوڑ ہے ،کیونجو صرف ایں طرح دی سیاست نال ملک اچ غربت اتے ناخواندگی اچ کمی گھن آئی ونج سگدی ہے ۔ وزیراعظم آکھیا جو موجودہ حکومت ملک کوں اقتصادی طور تے مضبوط بنڑاونڑ اتے عام آدمی دے میعار زندگی کوں چنگا کرنڑ تے یقین رکھیندی ہے ۔ پی آئی اے دی پریمیئر سروس بارے وزیراعظم ڈسایا جو بہوں لمبے عرصے تئیں مالیاتی مسلیاں دا شکار راہونڑ دے بعد پی آئی اے مسائل توں باہر آندی پئی ہے ۔ انہاں آکھیا جو پریمیئر سروس دے آغاز نال پی آئی اے کم فاصلے اتے نسبتاً کم قیمت تے بہترین خدمات فراہم کریسی ۔
