لاہور۔17 اگست(اے پی پی )وزیراعلیٰ پنجاب محمد شہبازشریف نال بدھ کوںاتھاں رکن قومی اسمبلی سردار اویس لغاری ملاقات کیتی جئیں اچ جنوبی پنجاب دی عوام دی فلاح تے بہبود دے منصوبیاں بارے گالھ مہاڑ کریندیں ہوئیں آکھیا جو زیر اعظم محمد نواز شریف دی قیادت اچ ترقی دا سفر پہلے توں ودھ کراہیں جاری رہسی،جامع پروگرام دے تحت جنوبی پنجاب دی ترقی سانگے ایں سال 173روپے خرچیے ویندے پئن اتے میٹرو بس ملتان سمیت کئی منصوبے چھیکڑی مرحلے اچ ہن ۔انہاں آکھیا جو میٹرو بس ملتان جنوبی پنجاب دی عوام سانگے چنگا تحفہ اے اتے ایں منصوبے نال عوام کوں ٹرانسپورٹ دی جدید سہولتاں ملسن۔انہاں آکھیا جو صاف پانڑی پراجیکٹ دے تحت جنوبی پنجاب کوں پہلے مرحلے اچ رلایا گئے اتے 5تحصیلاں اچ 80توں واٹر فلٹریشن پلانٹس لاتے گئن ۔انہاں آکھیا جو ڈیرہ غازی خان اتے راجن پور دے پسماندہ علاقے اچ عوام دی آمدورفت دی چنگی سہولتاں سانگے 138کلومیٹر لمبی سڑکاں بنڑایا ویندیاں پئین۔
