اسلام آباد ۔ 24 اگست (اے پی پی) پاکستان تے چین وچال ڈوپاسے تجارت دے حجم اچ مسلسل ودھارا تھیندا پے ،سانجھی تجارت دے ودھارے تے اقتصادی رابطے اچ مزید ودھارے سانگے ڈوہیں ملکاں حال اچ ہی آزادانہ تجارت دے معاہدے تے دستخط کیتے ہن ۔اقتصادی راہداری دے حوالے نال چین پاکستان اچ 46ارب ڈالر توں ودھ دی سرمایہ کاری کریندا پیا ہے ۔بدھ کوں پلاننگ کمیشن دے حکام اے پی پی کوں ڈسایا جو پاکستان تے چین وچال ڈو پاسے تجارت دے سالانہ حجم اچ مسلسل ودھارا تھیندا پیا ہے تے چین پاکستان دا ڈوجھاو ڈا شراکت دار بنڑ گیا ہے ،پاکستان خطے اچ پوزیشن ،قدرتی وسائل دی فراوانی تے گرم پانڑیں دی بندرگاہواں پاروں چین سانگے بہوں اہمیت دا حامل ہے ۔انہاں آکھیا جو ڈوہیں ملکاں وچال ا قتصادی تعلقات اچ مزید ودھارا تھیا ہے ،پاکستان دی جغرافیائی حیثیت ،چین جنوبی ایشیا ء کوں مشرق وسطیٰ نال جوڑنڑ دے ضمن اچ اقتصادی راہداری دے حوالے نال پاکستان اچ 46ارب ڈالر توں ودھ سرمایہ کاری کریندا پیا ہے ،سی پیک منصوبے دے تحت چین پاکستان اچ بندرگاہ ،جہاز رانی ،بنیادی ڈھانچے ،مواصلات تے توانائی سمیت مختلف شعبیں اچ سرمایہ کاری کریندا پیا ہے ،ایں منصوبے نال صرف چین کائناں بلکہ پاکستان دے خوابیں دی تعبیر وی تھیسی جیں نال خطے دے ترائے ارب لوکاں کوں فائدہ تھیسی ۔
