اسلام آباد۔ 29 اگست (اے پی پی) وزیراعظم محمد نوازشریف آکھیا ہے جو پاک چین اقتصادی راہداری نہ صرف پاکستان بلکہ پورے خطے سانگے ”گیم چینجر “ ثابت تھیسی،راہداری نال علاقے اچ امن تے ترقی دے نویں دورادا آغاز تھیسی ۔انہاں اے گالھ اتھاں پاک چین اقتصادی راہداری سمٹ اتے ایکسپو دی افتتاحی نشست توں خطاب کریندے ہوئیں کیتی جیں دا اہمتقام وزارت منصوبہ بندی ترقی تے اصلاحات 46ارب ڈالر لاگت دے تاریخی سی پیک منصوبے دے حوالے نال پاک چین فرینڈ شپ سنٹر اچ کیتا ۔وزیراعظم ایں شاندا ر منصوبے کوں سفارت کاری ہک نواں تصور قرار ڈیندے ہوئیں آکھیا جو ایندے ذریعے بیروزگاری تے غربت دے خاتمے اچ مدد ملسی ۔وزیراعظم آکھیا جو سی پیک محض ہک سٹریٹجک معاہدہ نی بلکہ پاکستان تے چین وچال پرانڑی یاری دی ہک تاریخی مثال ہے ۔انہاں آکھیا جو اے عالمی اہمیت دے اہم امور تے ڈوہیں ملکاں وچال تعاون تے سانجھ دی تاریخ اچ تعلقات دا ہک اگلا مرحلہ ہے ۔
