اسلام آباد ۔ 24 اگست (اے پی پی) کراچی وچ مئیر،ڈپٹی مئیر، چیئر مین اتے ڈپٹی چئیرمین دے انتخاب سانگے ووٹنگ دا عمل صبح 9 وجے شروع تھی گئے۔ پی ٹی وی دے مطابق صوبہ سندھ وچ بلدیاتی انتخابات دے چھیکڑی مر حلے وچ بدھ دی سویل9 وجے ووٹنگ دا عمل شروع تھیا۔ انتخابات وچ مئیر،ڈپٹی مئیر، چیئر مین اتے ڈپٹی چئیرمین دا انتخاب کیتا ویسی۔ مئیر سانگے ایم کیو ایم دے امیدوار وسیم اختر،پاکستان پیپلز پارٹی دے کرم اللہ وقاصی اتے٬ آزاد امیدوار رفیق خان اتے ارشد خان میدان ہک بئے دے مقابلے وچ ہن جڈانجو ڈپٹی مئیر سانگے ایم کیو ایم دے ارشد ووہر پاکستان مسلم لیگ(ن) دے امان خان اتے ہک آزادامید وار نوید جہانزیب میدان وچ قسمت آزمیندے پن۔ انتخابی عمل وچ 309 اراکان ووٹ پیسن جڈانجو انتخابی عمل دی نگرابی سیکریٹری الیکشن کمیشن خود کر یندے پن۔ انتخابی عمل دے دوران تجربہ کار،تربیت یافتہ اتے غیر جانب دار سکیورٹی تعینات کیتی گئی۔الیکشن کمیشن ولوں ووٹنگ دے دوران قومی شناختی کارڈ کوں وی ضروری قرار ڈتا گئے ،مقررہ وخت مکنڑ دے بعد پولنگ اسٹیشن دے اندر موجود ارکاناں کوں ووٹ کاسٹ کر نڑ دی اجازت ہوسی۔ پولنگ مکنڑدے نال ای ووٹاں دی گنتی وختی شروع کیتی ویسی جڈانجوکامیاب امید واراں دا اعلان الیکشن کمیشن خود کریسی۔
