اسلام آباد ۔ 5 اگست (اے پی پی) وزیراعظم محمد نواز شریف آکھیاجو ہیلی کاپٹر اچ سو ار اہلکاراں دی حفاظت نال واپسی سانگے ریاست دے وسائل کوں چنگے انداز اچ لاتا ویندا پئے ،وفاقی حکومت افغانستان اچ متعلقہ حکام نال مسلسل رابطے اچ اے،عملے دی حفاظت نال بازیابی سانگے رسمی تے غیر رسمی ذرائع استعمال کیتے ویندے پئن۔جمعہ کوں وزیر اعظم ہائوس ولوں جاری بیان دے مطابق انہاں آکھیااساڈی پوری ٹیم تحفظ بارے فکر مند اے جیڑھی جو ہیلی کاپٹر تے سفر کریندی پئی ہئی ،اساں افغانستان دی حکومت کوں انہاں دی حفاظت نال جلدی بازیابی اچ مدد سانگے باضابطہ درخواست کیتی اے۔انہاں یقین ڈوایا جو ہر ہک رکن دی واپسی کوں یقینی بنڑاونڑ سانگے ہر ممکن کوشش کیتی ویسی۔
