ویٹیکن ۔ یکم اگست (اے پی پی) کیتھولک مسیحی برادری دے عالمی روحانی پیشوا پوپ فرانسس آکھیا اے جو اسلام کوں دہشت گردی نال نی جوڑیا ونج سگدا۔برطانوی نشریاتی ادارے دے مطابق ایہ گالھ انہاں پولینڈ توںروم واپسی دے دوران جہاز وچ گالھ مہاڑ کریندے ہوئیں کیتی۔ انہاں آکھیا جو کیتھولک عقیدے دے پیروکار وی اتنے ہی خطرناک تھی سگدے ہن ۔انھاں متنبہ کیتا جو یورپ وچ جاری سماجی ناانصافیاں نوجواناں کوں اسلحہ چاونڑ اتے شدت پسندی دی راہ تے ٹریندیاں پن ۔پوپ آکھیا جو اسلام کوں دہشت گردی نال جوڑن ٹھیک کائنی۔انھاں یورپ وچ تھیونڑ آلے حالیہ حملیاں دے سلسلے وچ فرانس وچ ہک کیتھولک پادری دے بہیمانہ قتل تے اپنڑے موقف دا دفاع کیتا۔پوپ آکھیا جو تقریبا سارے مذاہب وچ قدامت پسنداں دا ہک چھوٹا طبقہ رہندا ہے اتے اساڈے اتھاں وی ہے۔انھاں آکھیا جو دہشت گردی اتھاں تھیندی ہے جتھاں پیسے کوں ترجیح ڈتی ویندی ہے جتھاں کوئی بیا متبادل کائنی ہوندا۔انھاں ہک سوال کیتا جو اساں اپنڑے کتنے یورپی نوجواناں کوں بے مقصد اتے بے روزگار کررکھیاہے جیرھے جو منشیات، شراب نوشی اتے شدت پسندی آلے پاسے مائل تھئے ہن۔
