دفاع وطن سانگے قوم دا ہر بال تیار ہے، پوری قوم بہادر مسلح فوج دے نال رل تے کھڑی ہے، کہیں کوں پاکستان دی سرزمین تے میلی اکھ نال ڈیکھنڑ دی اجازت کائناں ڈتی ویسی ، مقبوضہ جموں تے کشمیراچ جاری اندھا دھند بربریت اتے جارحیت ناقابل قبول ہے وزیراعظم محمد نواز شریف دا وفاقی کابینہ دے اجلاس توں خطاب

اسلام آباد ۔ 30 ستمبر(اے پی پی) وزیراعظم محمد نواز شریف ڈو ٹوک طور تے آکھیا جو دفاع وطن سانگے قوم دا ہر بال تیار ہے، پوری قوم بہادر مسلح فوج دے نال رل تے کھڑی ہے، کہیں کوں پاکستان دی سرزمین تے میلی اکھ نال ڈیکھنڑ دی اجازت کائناں ڈتی ویسی ، مقبوضہ جموں تے کشمیراچ جاری اندھا دھند بربریت اتے جارحیت ناقابل قبول ہے۔انہاں اے گالھ جمعے کوں وفاقی کابینہ دے اجلاس دی صدارت کریندے ہوئیں آکھی ۔وزیراعظم آکھیا جو اساں اپنڑیاں توانائیاں عوام دی فلاح تے بہبود اتے تعمیر تے ترقی تے ڈیونڑ چاہندوں ،غربت تے بے روزگاری دا خاتمہ اتے عوامی ترقی تے خوشحالی دی منزل حاصل کرنڑ اساڈا عزم ہے جیں سانگے اساں سرگرم ہوں ۔انہاں آکھیا جو اساں انہاں مقصد سانگے امن چاہندوں لیکن میں اے گالھ وی واضح کر ڈیواں جو دفاع وطن سانگے قوم دا ہر بال تیار ہے ،پوری قوم مسلح فوج دے نال رل تے کھڑی ہے ،انہاں آکھیا جو کشمیر ہند دی ونڈ دا نا مکمل ایجنڈا ہے جیں کوں نظر انداز نی کیتا ونج سگدا ،بھارتی فوج دے ظلم کشمیریاں دے جذبے کوں کچل نی سگدے ۔وفاقی کابینہ دے اجلاس اچ مقبوضہ کشمیر دی موجودہ صورت حال تے غور کیتا گیا ۔خارجہ سیکر ٹری اعزاز چوہدری کابینہ کوں بریفنگ ڈتی ۔