اسلام آباد ۔ 21 ستمبر (اے پی پی) وزیر مملکت و چیئرپرسن بی آئی ایس پی ماروی میمن ایشیائی ترقیاتی بینک دے وفد دے نال جنوبی کوریا دے صوبہ گینگ وونڈو اچ نیشنل ہیلتھ انشورنس سروس (این ایچ آئی ایس) دا دورہ کیتا۔ این ایچ آئی ایس جنوبی کوریا دی ہک معروف سوشل پروٹیکشن ایجنسی ہے۔ دورے دے دوران چیئرپرسن بی آئی ایس پی پرائم منسٹر ہیلتھ انشورنس سکیم سانگے مستقبل اچ اعدادو شمارکٹھے کرنڑ سانگے این ایچ آئی ایس دے تحقیقی سرابرہ ہونگ کیوب لی اتے ڈائریکٹر آئی آر پارک چون سک توں بی آئی ایس پی، وزارت صحت پاکستان اتے این ایچ آئی ایس وچا ل مفاہمتی یاداشت دے امکان تے گالھ مہاڑ کیتی۔کوریا دنیا دے ساریں توںبہترین ہیلتھ انفارمیشن کمیونیکیشنز ٹیکنالوجی (آئی سی ٹی )دے نظام تیار کیتے ہن۔ ہیلتھ بینکس، وبائی بیماریاں توں بچاونڑ سانگے الارم سروس اتے علاقائی تخصیص ہیلتھ سروس دے تصورات دے ذریعے، کوریا ملک دی ہر چنڈ اچ اپنڑی آبادی دی صحت کو ں چنگاں بنڑایا ۔ کوریا اچ ہر شہری سانگے ہک شناختی نمبر مخصوص کیتا ویندا ہے تے پیدائش توں انہاں دی انشورنس دی ادائیگی اچ این ایچ آئی ایس حصہ پیندی ہے۔ بہتر صحت دی حکمت عملی سانگے وقفے وقفے نال تحقیق سانگے نمونے کھٹے کیتے ویندے ہن۔ ایں موقع پر ، چیئرپرسن بی آئی ایس پی آکھیا جو خوشحال صحت مند معاشرے سانگے اعدادو شمار کوں منظم کرنڑ بہوں ضروری ہے۔ پاکستان کوریادے1963توں گھن تے ہنڑ ں2016تئیں دے حاصل تجربے توں سکھ تے ہک سال دے عرصے اچ اپنڑی آبادی صحت کوں چنگاں بنڑایا ونج سگدا ہے ۔۔ بی آئی ایس پی دے ڈیٹا اچ شامل صحت ، تعلیم، جنس، محل وقوع، شہری اتے دیہی فرق جیہوجے عوامل کوں ملک دے ہر حصے اچ تحقیق تے بہتر صحت دی حکمت عملیاں سانگے استعمال کیتا ونج سگدا ہے۔قومی سماجی تے اقتصادی رجسٹری (این ایس ای آر) دے حامل ہوونڑ دے ناطے ، بی آئی ایس پی دے یونین کونسل دیاںبنیاداں تے 27 ملین خانداناں دا کثیر المیعاد ڈیٹا موجود ہے۔ بی آئی ایس پی اے اعدادو شمار وزارت صحت کو ں ڈتے ہن جیں دی بنیاد تے وزارت صحت ہیلتھ انشورنس کارڈ سانگے مستحق لوکاں دی نشاندہی کیتی ہے۔ ملک دے کئی ڈوجھے وفاقی تے صوبائی سماجی تحفظ دے اقدامات بی آئی ایس پی دے اعدادو شمار توں فائدہ چیندے پے ہن۔ چیئرپرسن بی آئی ایس پی آکھیا جو آئی سی ٹی اتے پاکستان دی این ایس ای آر اچ سرمایہ کاری توں پاکستان اچ صحت دیاں سہولتاں کوں چنگاں بنڑاونڑ اچ مدد ملسی۔ این ایس ای آردے تحت غریب اتے متوسط طبقے دی صحت بارے اچ ودھ توں ودھ معلومات پالیسی سازاں سانگے فائدہ مند ثابت تھیسی تے پاکستان تکھے معیشت دے اعتبار نال دنیا دے 18 بہترین ملکاں اچ شامل تھی ویسی۔بی آئی ایس پی دے نویں غربت سروے اچ صحت دے متغیر شامل ہن جنہاں دیاں پرانڑیاں بیماریاں تے معذوری شامل ہن۔ چیئرپرسن بی آئی ایس پی آکھیا جو ایں مناسب موقع تے بی آئی ایس پی، وزارت صحت اتے این ایچ آئی ایس وچال مابین اے معاہدہ وزیراعظم پاکستان دے پاکستانی عوام دی صحت توں متعلق خواب کوں حقیقت اچ بدال ڈیسی۔
