اسلام آباد۔ 06 ستمبر (اے پی پی) وفاقی وزیر منصوبہ بندی، ترقی تے اصلاحات پروفیسر احسن اقبال آکھیا ہے جو حکومت تعلیم دے ودھارے سانگے ترجیحی بنیاداں تے اقدامات کریندی پئی ہے ،وژن 2025دے تحت تعلیم کوں عام کرنڑ اتے ملک اچ خواندگی 90فیصد تے گھن آونڑ سانگے ہک روڈ میپ بنڑایا ہے ۔منگل کوں عالمی ڈینھ خواندگی دے حوالے نال قومی کمیشن برائے انسانی ترقی ( این سی ایچ ڈی)دے اہمتام نال سیمینار اتے تعلیم بالغاں دے پروگرام ”Each oneـTeach one” دی افتتاحی تقریب توں خطاب کریندے ہوئیں انہاں آکھیا جو تعلیم دے بغیر کوئی وی ملک ترقی نی کر سگدا ماضی اچ کہیں وی حکومت ناخواندگی دے خاتمے سانگے کم نی کیتا ۔انہاں آکھیا جو پاکستان پہلا ملک اچ جیرھا دیر تئیں ترقی دے اصول کوں پارلیمنٹ توں پاس کیتا ہے ۔انہاں آکھیا جو اساں بالاں دے حال کوں محفوظ بنڑ تے اپنڑاں مستقبل محفوظ بنڑا سگدے ہوں۔
