راولپنڈی۔ 14 اکتوبر (اے پی پی)بری فوج دے سربراہ جنرل راحیل شریف دی صدارت کورکمانڈر کانفرنس بھارت ولوں کوڑے سرجیکل سٹرائیک دے دعوی کوں مستر د کریندیں ہوئیں واضح کیتے جو ایں کوڑے دعویٰ دا مقصد مقبوضہ کشمیر اچ تھیونڑ آلے مظالم توں دنیا دی توجہ ہٹاونڑ اے،دشمن کہیں وی جارحیت دا مظاہرہ کیتا تاں منہ تروڑ جواب ڈتا ویسی۔پاک فوج دے شعبہ تعلقات عامہ (آئی ایس پی آر)دے مطابق جمعہ کو ںبری فوج کے سربراہ جنرل راحیل شریف دی صدارت اچ کور کمانڈر کانفرنس جی ایچ کیو اچ تھئی جئیں اچ سارے کور کمانڈر کمانڈوز اتے پرنسپل اسٹاف آفیسرز شریک تھیے۔اجلاس اچ ملک دی داخلی اتے خارجی سکیورٹی دے معاملے خصوصی لائن آف کنٹرول دی تازہ ترین صورتحال اتے پاک فوج دی آپریشنل تیاریاں دا جائزہ گھدا گئیا۔بری فوج دے سربراہ جنرل راحیل شریف پاک فوج دی آپریشنل تیاریاں تے پورا اطمینان کریندیں ہوئیں آکھیا جو پاک فوج ہر قیمت تے مادر وطن دے دفاع اتے خطریاں نال نبڑنڑ دی پوری صلاحیت رکھیندی اے۔آپریشن ضرب عضب اچ ہنڑ تئیں تھیونڑ آلی کامیابیاں دا جائزہ گھندیں ہوئیں جنرل راحیل شریف آکھیا جو آپریشن ضرب عضب دے نتیجے اچ ملک اچ خوشحالی،استحکام اتے ترقی دا نواں دور شروع تھیے۔انہاں زور ڈتا جو دہشت گردی دے خلاف آپریشن ضرب عضب دے ثمرات دی راہ اچ رپھڑ پاونڑ آلیاں دی کوششاں،دہشت گردی اتے انتہا پسندی دے پورے سدباب سانگے ملک دے طول و عرض اچ موثر کومبنگ آپریشن اتے انٹیلی جنس بیسڈ آپریشن تے توجہ ڈیندے پئیوں ۔بری فوج دے سربراہ جنرل راحیل شریف دی صدارت اچ تھیونڑ آلے کورکمانڈر کانفرنس دے شرکاء وزیر اعظم ہائوس اچ سلامتی بارے اعلیٰ سطح اجلاس دی من گھڑت اتے کُوڑی خبر تے تشویش کریندیں ہوئیں اینکوں قومی سلامتی دے خلاف آکھیا۔
