اسلام آباد ۔ 5 اکتوبر (اے پی پی) پاکستان اتے بیلاروس جوہری توانائی دے شعبہ اچ تعاون کرنڑ اتے کہیں تریجھے ملک دی شمولیت نال سہ فریقی تجارتی نظام وضع کرنڑ تے اتفاق کیتا اے۔ بیلاروس دے صدر الیگزینڈر لوکا شینکو بدھ کو ںوزیراعظم ہائوس اچ ملاقات دے بعد وزیراعظم محمد نواز شریف نال سانجھی پریس کانفرنس کریندے ہوئے آکھے جو بیلاروس اتے پاکستان پرامن ذرائع سانگے جوہری توانائی دے میدان اچ تعاون کوں ودھاونڑ دی خواہش رکھیندن۔ انھاں آکھیا جو ڈوہیں ملک کہیں تریجھے ملک کوں شامل کر تے آپدے تجارتی افق کوں ودھا سگدن۔ انھاں وزیراعظم محمد نواز شریف نال آپدی گالھ مہاڑ کوںبہوں تعمیری قرارڈیندے ہوئے اے گالھ پچھلے سال پاکستان دے انھاں دے دورہ دے دوران رکھی ونجنڑ آلی دوستی دی بنیاد کوں بیا ودھاونڑ تے رہی۔ انھاں آکھیا جو ڈوہاہیں صنعت اتے زراعت دے شعبہ اچ تعاون تے اتفاق کیتا اتے ڈوہاہیں دے وفد بہوں جلد ی ہک ڈوجھے دے ملک دا دورہ کریسن۔ انھاں بینکاری دے شعبے اچ باہمی تعاون اچ دلچسپی ظاہر کیتی۔ ایں موقع تے وزیراعظم محمد نوازشریف آکھیا جو صدر الیگزینڈر لوکا شنکو دادورہ پاکستان اتے بیلاروس وچال کثیر الجہتی تعلقات کوں نویں قوت ڈیسی۔ انھاں اکھیا جو ڈوہیں ملکاں وچال طے پاونڑ آلے معاہدیاں اتے مفاہمت دیاں یادداشتاں نال خوشحالی دا نواں دور شروع تھیسی۔ وزیراعظم صدر لوکاشینکو کے ساتھ علاقائی اور بین الاقوامی امور تے تفصیلی گالھ مہاڑ کیتی اتے مختلف امور تے پاکستان دے موقف دی حمایت کرنڑ تے انھاں دا شکریہ ادا کیتا۔
