اسلام آباد ۔ 18 اکتوبر (اے پی پی) وفاقی وزیر نیشنل فوڈ سیکورٹی اینڈ ریسرچ سکندر حیات خان بوسن آکھے جو حکومت سارے سانجھے داراں دی صلاح نال نیشنل فوڈ سیکورٹی پالیسی کوں اخیری شکل ڈیندی پئی ہے ۔ خوراک تئیں رسائی سارے شہریاں دا بنیادی حق ہے، حکومت آپنڑیں منشور دے تحت شہریاں کوں خوراک دی فراہمی یقینی بنڑاونڑ کیتے کم کریندی پئی ہے ۔ موسمیاتی تبدیلیاں نال جنوبی ایشیاء دا خطہ بالعموم اتے پاکستان خاص طور تے متاثر تھیند اپئے ، موسمیاتی تبدیلی نال مستقبل اچ توانائی دی طلب اچ واضح ودھارے دے ڈر ہے ۔ پاکستان اچ موسمیاتی تبدیلی نال زراعت، پانڑیں تے وسائل اتے توانائی دے شعبے زیادہ متاثر تھیندے پئے ہن ۔ اے گالہیں انہاں اسلام آباد اچ موسمیاتی تبدیلیاں دے زراعت دے شعبے اُتے اثرات بارے تھیونڑآلی کانفرنس نال الیندے ہوئیں آکھیاں۔ انہاں آکھیا جو مسلم لیگ (ن) دی حکومت آپنڑیں منشور دے تحت ”خوراک تئیں رسائی سارے شہریاں دا بنیادی حق ہے” تے کم کریندی پئی ہے ۔ انہاں آکھیا جو سارے صوبائی اتے بئے سانجھے داراں دی صلاح نال نیشنل فوڈ سیکورٹی پالیسی کوں اخیری شکل ڈتی ویندی پئی ہے ۔ انہاںآکھیا جو موسمیاتی تبدیلی دے پاکستان دے مختلف شعبیاں اچ زراعت ساریاں توں ودھ متاثر تھئی ہے ۔
