اسلام آباد ۔25 اکتوبر (اے پی پی) وزیر اعلیٰ پنجاب محمد شہباز شریف آکھیا ہے جو کوئٹہ وچ پولیس ٹریننگ سینٹر تے حملہ کہیں سانحے توں گھٹ کائنی ،ایجھے واقعات اساڈے حوصلے جھکے نی کرسگدے۔ ہک نجی ٹی وی چینل دے مطابق میڈیا نال گالھ مہاڑ وچ گزریل رات کوئٹہ دے نیڑے سریاب روڈ تے پولیس ٹریننگ سینٹر تے خودکش حملے دی شدید الفاظ وچ مذمت کریندے ہوئیں انھاں آکھیا جو دہشتگرداں اتے انہاں دے سہولت کاراں کوں مکمل طور تے مکاونڑ تئیں جنگ جاری راہسی ، دہشتگرد ایجھے بزدلانہ حملیں نال قوم دے غیر متزلزل عزم کو ںکچا نی کر سگدے ۔وزیر اعلیٰ پنجاب دا آکھنڑہا دہشتگردی دے خلاف اساں سارے ہک مٹھ ہسے،دہشتگرداں بدترین سفاکیت اتے بربریت دامظاہرہ کیتاہے ۔ دہشتگرداں دے بزدلانہ حملے دی جتنی وی مذمت کیتی ونجے گھٹ ہے۔ وزیر اعلی شہباز شریف سانحے تے گھاٹے ڈکھ اتے افسوس دا اظہار کریندے ہوئیں زخمی اہلکاراں دی وختی چنگی صحت دی دعا وی کیتی۔
