کراچی ۔ 24 اکتوبر (اے پی پی) وفاقی وزیر اطلاعات تے نشریات سینیٹر پرویز رشیدآکھیا جو عمران خان نادر شاہی سیاست کریندن ،سڑکاں تے انتشار،فتنہ اتے فساد دی سیاست دا ساری جمہوری قوتاں مقابلہ کریسن،دھرنے دی سیاست کرنڑآلے پاکستان کوں ترقی کریندا نی ڈیکھنڑ چاہندے،عدالتی نوٹس دے بعد دھرنے دا کوئی جواز کائنی،اگر عمران خان کوں سپریم کورٹ تے اعتماد اے تاں او عدالتی فیصلے دا انتظار کرن،کاسرکار اچ مداخلت تھی تاں دستیاب قانون حرکت اچ آ ویسی۔اے گالھ انہاں سوموار کوں کومعروف قوال امجد صابری مرحوم دی رہائش گاہ تے صحافیاں نال گالھ مہاڑ کریندیں ہوئیں آکھی۔سینیٹر پرویز رشید آکھیا جو سپریم کورٹ عمران خان سمیت سارے فریقاں کوں نوٹس جاری کر ڈتن ،وزیر اعظم عدالتی نوٹس دا خیر مقدم کیتا،اساں عدالت ویسوں تاں عمران خان دے کوڑ بے نقاب تھی ویسی۔انہاںآکھیا جو ماضی اچ سڑکاں تے تھیونڑ آلے فیصلے ملک دا ضیان کریندے رہین ۔
