راولپنڈی۔ یکم اکتوبر (اے پی پی) پاک فوج ہک واری ولا ایل او سی تے سرجیکل سٹرائیک دے بھارتی دعوے کوں کوڑ قرار ڈیندے ہوئیں مستردکرڈتے ، اتے آکھے جو ایجھاں کجھ تھیا ہئی کائنی اتے جیکر مستقبل اچ بھارت کہیں طرح دی جارحیت کیتی تاں او ں کوں ایندا منہ بھن جواب ڈتاویسی ۔ پاک فوج دے شعبہ تعلقات عامہ دے ڈائریکٹر جنرل لیفٹیننٹ جنرل عاصم سلیم باجوہ چھنڑ چھنڑ کوں ملکی اتے غیر ملکی میڈیاکو ںلائن آف کنٹرول بارے بریفنگ ڈیندے ہوئیں آکھیا جو ملک دیاں مسلح افواج کہیں وی جارحیت دا مقابلہ کرنڑ کیتے مکمل تیار ہن ۔ انہاں آکھیا جو پاک فوج کنٹرول لائن تے بھارتی فائرنگ دا منہ بھن جواب ڈتے ۔ انہاں پاکستان دی سرزمین تے بھارت دے سرجیکل اسٹرائیک دے دعوے کوں ہک واری ولا کوڑ قرارڈتے اتے مستردکرڈتے۔ جنرل آفیسر کمانڈنگ بھمبر سیکٹر میڈیا نمائندیاں کوں بریفنگ ڈیندے ہوئیں آکھے جو28اتے 29ستمبر دی وچالی رات ایل او سی تے سرجیکل سٹرائیک دا کئی واقعہ تھیا ہئی کائنی جیندا بھارتی ڈی جی ایم اوز دعوی کیتے۔
