اسلام آباد ۔25نومبر (اے پی پی) وزیراعظم دے مشیر برائے خارجہ امور سرتاج عزیز آکھیا جو کشمیر بارے پالیسی واضح اے،جدوجہد آزادی دی سیاسی،سفارتی اتے اخلاقی حمایت ہر فورم تے جاری رکھیسوں،سرحداں دا دفاع کرنڑ دی صلاحیت رکھیندوں،بھارت کنٹرول لائن تے کشیدگی پیدا کر تے مقبوضہ کشمیر اچ جاری مقامی انتفاضہ توں توجہ ہٹاونڑ چاہندے،اساں سلامتی کونسل دے پنج مستقل ممبراںکوں ایل او سی تے سول آبادی کوں نشانہ بنڑاونڑ دی بھارتی ذہنیت بارے خط لکھین۔جمعہ کوں قومی اسمبلی دے اجلاس اچ بھارت ولوں لائن آف کنٹرول تے جارحیت نال پیدا تھیونڑ آلی صورتحال تے بحث نبڑیندیں ہوئیں سرتاج عزیز آکھیا جو ایجھے موضوعات تے اساکوں پوائنٹ سکورنگ توں گریز کرنڑاں چاہیدا اے۔
