کراچی ۔ 23 نومبر (اے پی پی) صدر مملکت ممنون حسین آکھیا جو کراچی داامن قومی ترقی اتے استحکام دی ضمانت اے،بد امنی دے خلاف کاروائی کوںایںاخیری انجام تئیں پجایا ونجے اتے مجرماںنال کوئی رعایت نہ ڈتی ونجے ۔انہاں اے گالھ ڈائریکٹر جنرل رینجرز میجر جنرل بلال اکبر بدھ کوں گالھ مہاڑ کریندیں ہوئیںڈتی جنہاں صدارتی کیمپ آفس اچ انہاں نال ملاقات کیتی۔صدر مملکت انہاں کوں ہدایت کیتی جو کراچی دے شہریاں کوں احساس تحفظ ڈیونڑ سانگے مجرماں دے خلاف بلا امتیاز کاروائی ای ہکو حل اے۔انہاں شہر اچ امن دی بحالی سانگے رینجرز دے کردار دی تعریف کیتی اتے آکھیا جو سکیورٹی فورسز اتے قانون نافذ کرنڑ آلے اداریاں دے افسراں اتے نینگراں امن قائم کرنڑ سانگے بہوں قربانیاں ڈتن جنہاں تے قوم فخر کریندی اے۔
