اسلام آباد ۔ 19نومبر (اے پی پی)وزارت خارجہ علاقائی سمندر تے بحری حدود دے بل 2016ءدے ناں توں نویں بل دا مسودہ تیار کرگھدے۔ اے بل اقوام متحدہ دے کنونشن برائے قنون 1982دے نال سابق قنون کوں جوڑنڑ کیتے تیار کیتا گئے ۔ وزارت خارجہ امور دے ذریعے دے مطابق سارے فریقین دی صلاح نال علاقائی پانڑیں تے بحری حدود ایکٹ 1976کو ںزیر غورگھن آ تے علاقائی سمندر اتے بحری حدود بل 2016ءدے ناں توں نواں بل تیار کیتا گئے جیکوں وزارت قنون تے انصاف کوں بیا غور سانگے پٹھیا ویندا پئے ۔ ایں بل دا متعلقہ علاقائی سمندری تے بحری حدود بارے بل کوں اقوام متحدہ دے کنونشن برائے قنون نمبر 1982دے نال جوڑ دتا گئے ۔
