الیکشن کمیشن اچ الف لیلیٰ کہانیاں کائنی بلکہ ثبوتاں دے نال آئے ہوں، اساڈے ریفرنس تے عمران خان ٹیکس چوری ،کالے دھن نال بنی گالا اچ گھرملھ گھننڑ اتے منی لانڈرنگ تے قومی اسمبلی دی رکنیت توں نا اہل تھی سگدے ہن ،
اسلام آباد ۔ 16 نومبر (اے پی پی) مسلم لیگ (ن) دے رہنماواںآکھیا جو وزیراعظم دا احتساب کرنڑ آلے عمران خان اج عدالت توں بھجدے پے ہن،الیکشن کمیشن اچ الف لیلیٰ کہانیاں کائنی بلکہ ثبوتاں دے نال آئے ہوں، اساڈے ریفرنس تے عمران خان ٹیکس چوری ،کالے دھن نال بنی گالا اچ گھرملھ گھننڑ اتے منی لانڈرنگ تے قومی اسمبلی دی رکنیت توں نا اہل تھی سگدے ہن۔بدھ کوں الیکشن کمیشن دے باہروں مسلم لیگ ن دے رہنماواں طلال چوہدری اتے دانیا عزیز اپنڑے وکیلاں دے نال گالھ مہاڑ کریندے ہوئیں آکھیا جو آکھیا جو مسلم لیگ ن دے رہنماواں پاناما لیکس دا معاملہ سامنڑے آونڑدے کجھ ڈینھ بعد22اپریل کوں سپریم کورٹ کوں خط لکھیا ہا او ایندی تحقیقات سانگے کمیشن قائم کرے ،اساں ست مہینے پہلے اپنڑے آپ کوں احتساب سانگے پیش کر ڈتاہا ۔انہاں آکھیا جو عمران خان دے خلاف غیر ملکی فنڈنگ دا کیس ڈوسال توں الیکشن کمیشن اچ چلدا پیا ہے او اتھاں جواب ڈیونڑ توں انکار ی ہن ،عمران خان غلط بیانی کرنڑدے بعد ولا معافی منگدے ہن پہلے 35پنچراں دا الزام لاتا ولا بعد اچ آکھ ڈتا جواے سیاسی بیان ہا انہاں کوڑ تے مشتمل خبراں عوام کوں سنڑایاں ،انہاں دی وجہ توں چینی صدر دا دورہ ملتوی تھیا او سیکورٹی رسک ہن ۔انہاں دی حالت قابل رحم ہے ۔انہاں آکھیا جو عمران خان ڈوجھیں دی تلاشی دی گالھ کریندے ہن ہنڑ انہاں دی تلاشی تھیسی ،اساں الیکشن کمیشن اچ ثبوتاں نال آئے ہوں ۔
