اسلام آباد ۔ 19 دسمبر (اے پی پی) قومی تریخ تے ادبی ورثہ کیتے وزیراعظم دے مشیر عرفان صدیقی آکھے جو بنگلہ دیش اتے پاکستان دے دیرینہ آپس دے تعلقات دا تقاضا ہے جو ایں طرح دے اقدامات توں گریز کیتا ونجے جیندے نال عوام دے جذبات مجروح تھیون۔ انہاں آکھیا جو پاکستان خطے دے ملکاں خاص طور تے بنگلہ دیش نال قریبی دوستانہ اتے چنگے تعلقات چاہندے ، کیونجو ڈوہائیں ملک مذہب، تریخ تے ثقافت دے گھاٹے گانڈے اچ بدھے ہوئے ہن ۔ او پاکستان اچ بنگلہ دیش دے ہائی کمشنر طارق احسن نال گالھ مہاڑ کریندے پئے ہن ،جنہاں اج مشیر وزیراعظم دے دفتر اچ انہاں نال ملاقات کیتی۔ بنگلہ دیش دے ہائی کمشنر طارق احسن وزیراعظم دے مشیر عرفان صدیقی کوں سارک ولوں تھیونڑآلی کانفرنس اچ شرکت دی باضابطہ دعوت ڈتی جیہڑی جو 21 جنوری کوں بوگرہ اچ تھیندی پئی ہے ۔
