اسلام آباد ۔ 7 دسمبر (اے پی پی) وفاقی وزیر خزانہ سینیٹر اسحاق ڈار فرانس دے ادارہ ترقی اے ایف ڈی دی75 ویں سالگرہ دی تقریب دے اختتامی سیشن اچ شرکت کیتی۔ فرانس دے صدر فرانسوا اولاند پیرس اچ منعقدہ تقریب دی میزبانی کیتی۔ اے ایف ڈی دی سالگرہ دی تقریب اچ فرانس دے وزیر خارجہ جین مارک ایرالٹ، گنی دے صدر، ہیٹی دے وزیراعظم، سری لنکا دے وزیر خزانہ، اے ایف ڈی دے چیف ایگزیکٹو آفیسر، فرانسیسی ارکان پارلیمنٹ، سفارتکاراں تے سول سوسائٹی دے ارکان وڈی تعداد اچ شرکت کیتی ۔ فرینچ ایجنسی فار ڈویلپمنٹ دے ودھ سارے پروگرام توانائی اتے پن بجلی دے منصوبیں اچ فنانسنگ تے مرکوز ہن جیرھے جو پاکستان دی توانائی دی گھٹکی تے قابو پاونڑ دیاں کوششاں اچ معاون ثابت تھیندے پن۔ اے ایف ڈی ترقی پذیر ملکاں سانگے فرانس دی سرکاری ترقیاتی معاونت سانگے ہک مالیاتی اتے عملدرآمدی ادارہ ہے۔
