اسلام آباد ۔ 25 دسمبر (اے پی پی) وفاقی وزیر خزانہ سینیٹر محمد اسحاق ڈار دی صدارت اچ فنانس ڈویژن اچ سیکیورٹی اینڈ ایکسچینج کمیشن آف پاکستان (ایس ای سی پی) دے معاملیاں دا جائزہ گھنڑ کیتے ہک اجلاس تھئے ۔ چیئرمین (ایس ای سی پی) وفاقی وزیر خزانہ کوں کارپوریٹ سیکٹر کو ںحکومت ولوں ڈتی ونجنڑآلیاں سہولتاں سانگے کیتی گئی قنون سازی تے اصلاحاتی اقدامات بارے بریفنگ ڈتی ۔ وفاقی وزیر آکھے جو جدید ٹیکنالوجی دے استعمال اتے بہترین بین الاقوامی طریقے کار کوں سامنڑیں رکھیندے ہوئیں کارپوریٹ سیکٹر کوں ریگولیٹ کرنڑ اتے انہاں کوں سہولتاں پجاونڑ کیتے حکومت ولوں اصلاحات متعارف کرائی ویندی ہن ۔ انہاں ایں بارے سیکیورٹی ایکسچینج کمیشن آف پاکستان دے کردار دی تعریف کیتی ۔ انہاں ایس ای سی پی کوں ہدایت کیتی جو او کارپوریٹ سیکٹر کو ں بیا ں سہولتاں ڈیونڑ کیتے اقدامات جاری رکھن۔ اجلاس اچ وزارت خزانہ دے اعلیٰ حکام وی شرکت کیتی۔
