اسلام آباد ۔ 30 جنوری (اے پی پی) محکمہ موسمیات آکھیا ہے جو اسلام آباد اتے راولپنڈی سمیت گوجرانوالہ، سرگودھا، لاہور، فیصل آباد ڈویژن اچ کجھ جہیں تے مینھ مالاکنڈ، ہزارہ، مردان ڈویژن، فاٹا، کشمیر ،گلگت بلتستان اتے کوئٹہ دے پہاڑی علاقیں اچ کہیں کہیں جاہ تے برف باری دا امکان ہے۔جڈاںجو ملک دے بئے علاقیں اچ موسم ٹھڈا تے رکھا رہسی ۔پی ٹی وی دے مطابق گزریل چووی گھنٹے دے دوران مالاکنڈ ڈویڑن، بالائی فاٹا اتے گلگت بلتستان اچ کجھ جہیں تے مینھ تے پہاراں تے برف باری جڈاں جو کوئٹہ،ژوب اتے فیصل آباد ڈویژن اچ ہلکی بوندا باندی تھی،پنجاب دے میدانی علاقیں تے اتلے سندھ اچ سویل دے ویلھے کوہیڑ دا سلسلہ جاری رہیاجڈاں جو ملک دے بئے علاقیں اچ موسم ٹھڈا تے رکھا رہیا ۔ ساریں توں ودھ مینھ چترال اچ 6ملی میٹر ریکارڈ کیتی گی، ساریں توں گھٹ درجہ حرارت سکردو اچ منفی7 ڈگری سینٹی گریڈ ریکارڈ کیتا گیا۔آندے 24گھنٹے دے دوران اسلام آباد اتے راولپنڈی سمیت گوجرانوالہ، سرگودھا، لاہور، فیصل آباد ڈویژ ن اچ کجھ جہیں تے مینھ اتے مالاکنڈ، ہزار، مردان ڈویڑن، فاٹا، کشمیر اتے گلگت بلتستان اتے کوئٹہ دے پہاڑی علاقیں اچ کہیں کہیں جاہ تے برف باری دا امکان ہے
