مریم نواز شریف عمران خان دے اعصاب تے طاری ہن، او ہی 2018 دے انتخابات اچ پی ٹی آئی دا جنازہ کڈھ ڈیسن ، عمران خان کوں وزیراعظم محمد نواز شریف ولوں ملتان اچ ہک فیتہ کٹنڑ دا وی افسوس تھیسی
اسلام آباد ۔24 جنوری (اے پی پی) مسلم لیگ (ن) دی رکن قومی اسمبلی مائزہ حمید آکھیا جو مریم نواز 2018 دے انتخابات اچ پی ٹی آئی دا جنازہ کڈھ ڈیسن ۔ سپریم کورٹ دے باہر میڈیا نال گالھ مہاڑ کریندے ہوئیں انہاں آکھیا جو عمران خان کوں وزیراعظم محمد نواز شریف ولوںملتان اچ ہک فیتہ کٹ ڈیونڑ تے وی افسوس تھیسی۔ انھاںآکھیا جو مریم نواز شریف عمران خان دے اعصاب تے طاری ہن کیوں جو او 2018 دے انتخابات دی ابھردی ہوئی لیڈر ہن تے عمران خان انہاں توں ڈردے ہن ۔ مائزہ حمید آکھیا جو عمران خان ہر جاہ تے ہر چینل تے مریم نواز شریف دا ناں گھندے ہن ،انہاں کوں اپنڑی دھی دا خیال وی نی آندا۔ مسلم لیگ (ن) دی رہنما آکھیا جو عمران خان کوں پتہ ہے جو مریم نواز ہی2018 دے انتخابات اچ پی ٹی آئی دا جنازہ چاونڑاں ہے ۔ انھاںآکھیا جو اساں الیکشن کمیشن اچ عمران خان توں تلاشی منگدے پیوں تے او تلاشی نی ڈیندے پے ۔
