اسلام آباد ۔10جنوری(اے پی پی) وزیر داخلہ چوہدری نثار علی خان آکھیا جو وفاقی دارالحکومت اتے نیڑے توں چار بندیاں دے اغوای تھیونڑ دے واقعیاں دی تفتیش جاری اے اتے کجھ شواہد سامنڑے آئن جنہاں کوں ویلھے توں پہلے افشا کرنڑ تے اثر پمسی پنجاب حکومت وی انہاں واقعیاں دی تحقیقات کریندی پئی اے،تفتیش کوں اخیری انجام تئیں پجایا ویسی ،پہلی ترجیح انہاں بندیاں دی بحفاظت واپسی اے کہیں کوں لاپتہ کرنڑ دی پالیسی حکومت پاکستان دی اے نہ کوئی ایجھی گالھ برداشت کیتی ویسی ،بہوں خرابیاںایں دور دی ہن جتھاں پالیسیاں کتھائیں بئی جاہ تے بنڑدیاں ہن سیاسی تقریراں اتے پوائنٹ سکورنگ کریندیں ہوئیں وفاقی اتے صوبیاں دے دائرہ کار کوں ڈیکھنڑاں چاہیدا اے ۔11سال بعد دہشت گردی دے ساریاں توں گھٹ واقعات 2016ء اچ تھین ۔انسداد دہشت گردی اتے سکیورٹی سمیت مختلف معاملیاں تے وزارت داخلہ اچ 142توں ودھ اجلاس تھیے جڈانجو وزیراعظم ہائوس اچ 44اجلاس تھیے ۔پوری دنیا اچ دہشت گردی ودھدی پئی اے جڈاں جو پاکستان اچ گھٹ تھیندی پئی اے اے ساریاں دی سانجھی کوششاں دا نتیجہ اے۔
