اسلام آباد۔28جنوری (اے پی پی )دفتر خارجہ دے ترجمان محمد نفیس ذکریا کشمیری عوام دی حمایت دے عزم دا اعادہ کریندے ہوئیں آکھیا جو کشمیر دی آزادی کیتے جدوجہد کو ں طاقت دے زور اُتے دبایا نہیں ونج سگدا۔ پاکستان حق خود ارادیت دے حصول اچ کشمیری عوام دی حمایت جاری رکھیسی ۔ اے گالھ انہاں چھنڑ چھنڑکوں اتھاں کشمیر کانفرنس نال خطاب کریندے ہوئیں آکھی۔ ترجمان آکھیا جو بھارتی فورسز بے گناہ کشمیریاں دے خلاف ظلم و بر بریت دا بازار گرم کر رکھیا ہویا ہے ۔ انہاں آکھیا جو کشمیریاں دی جدوجہد آزادی کوں ظلم و جبر دے ذریعے دبایا نہیں ونج سگدا۔ ترجمان آکھیا جو کشمیری روزانہ دی بنیاد اُتے قربانیاں ڈیندے پئے ہن اتے انصاف کیتے عالمی برادری ولوں ڈیکھدے پئے ہئیں ۔ انہاں آکھیا جو بھارت غیر کشمیریاں کوں ڈومیسائل ڈے تے آبادی دا تناسب تبدیل کرنڑ دی کوشش کریندا پئے ۔ ترجمان نفیس ذکریا آکھیا جو حکومت پاکستان مسئلہ کشمیر کو ہر فورم اُتے چاتے اے وجہ ہے جو اقوام متحدہ دے ایجنڈے اچ اج وی شامل ہے ۔ پاکستان دے ساری دنیا اچ قائم سفارتخانیاں اتے کمیشنز اچ مسئلہ کشمیر دے حوالے نال بھر پور آواز چاتی ویندی ہے ۔
