اسلام آباد ۔ 15 فروری (اے پی پی )وزیر مملکت برائے اطلاعات نشریات تے قومی ورثہ مریم اورنگزیب آکھیا جو دہشت گردی دے مسئلے تے سیاست نہ کیتی ونجے ،دہشت گردی دا واقعہ پاکستان دے کہیں وی شہر یا صوبے اچ ہووے اساڈے سانگے اتے وزیراعظم سانگے او دہشت گردی دا واقعہ اے ،ایں سانگے مسئلہ تے ساریاں کوں کٹھا تھیونڑ دی لوڑھ اے،جڈاں تئیں ہک وی دہشت گردی مووجد اے،اے جنگ جاری رہسی۔دہشت گردی دے خلاف قوم دی قربانیاں رائیگاں کائناں ویسن ،گزریل ساڈھے ترائے سالیں اچ دہشت گردی دے خاتمے سانگے عملی اقدامات کیتے گئے اتے آپریشن ضرب عضب اتے کراچی آپریشن نال دہشت گردی اچ نشابر گھٹکی ھئی اے،ترائے سالیں اچ دہشت گردی دے واقعہ دی تعداد لگ بھگ2200توں گھٹ تھی کراہیں 160تئیں آ گئی اے۔اے گھٹکی وزیراعظم دی قیادت،چودھری نثار دی ڈینھ رات محنت اتے صوبیاں دی موثر حکمت عملی دا نتیجہ اے،دہشت گردی دے خاتمے سانگے عوام اتے سکیورٹی اداریاں بے مثال قربانیاں ڈتین ۔عمران خان اتھاں سپریم کورٹ اچ تاں حاضری ڈیندن ،جڈانجو سڑک پار الیکشن کمیشن کیوں نی ویندے،الیکشن کمیشن اچ عمران خان دا موقف اے آف شور کمپنیاں کوں ظاہر کرنڑ ضروری کائنی ،انہاں دا منی لانڈرنگ،ٹیکس چوری دا مقدمہ کتھاں گئیا،اساڈے ولوں پانامہ کیس اچ مصدقہ دستاویزات عدالت اچ جمع کروائی گئی پر دستاویزات کوں کائونٹر کرنڑ سانگے عمران خان ہک وی کاغذ پیش نی کر سگیے۔عمران خان پانامہ دی بیساکھی دے سہارے سیاست کرنڑ بند کرن۔
