امریکا دے مشیر قومی سلامتی لیفٹیننٹ جنرل میک ماسٹر اتے وزیر خزانہ اسحاق ڈاردی وائٹ ہائوس اچ ملاقات

واشنگٹن ۔ 26 اپریل (اے پی پی) پاکستان اتے امریکا علاقائی امن تے استحکام کو ں سانجھے مقصد قرار ڈیندے ہوئیں رل تے کم کرنڑ تے اتفاق کیتا ۔اے اتفاق رائے اتھاں امریکہ دے مشیر قومی سلامتی لیفٹیننٹ جنرل میک ماسٹر اتے وزیر خزانہ اسحاق ڈار دی وائٹ ہائوس اچ ملاقات اچ تھیا۔ وزیر خزانہ نے لیفٹیننٹ جنرل میک ماسٹر دے نال وزیر اعظم دے خصوصی ایلچی دی حیثیت نال ملاقات کیتی ۔ ایں موقع تے امریکا اچ پاکستان دے سفیر اعزاز احمد چوہدری انہاں دی معاونت کیتی۔ فریقین سانجھی دلچسپی دے معاملات تے رابطے جاری رکھنڑ دی ضرورت تے زور ڈتا۔ وزیر خزانہ وزیر اعظم دے اقتصادی اصلاحات دے ایجنڈے بارے اچ امریکا دے مشیر قومی سلامتی کوں ڈسایا جو جیں پاروں اقتصادی استحکام آیاہے اتے بین الاقوامی اداریں وی سراہیا ۔ پاکستان دی سکیورٹی دی صورتحال دے حوالے نال وزیر خزانہ آکھیا جو اپنڑی سر زمین توں دہشت گردی دے خاتمے دے حوالے نال پاکستان دے عز م دی عکاسی اپریشن ضرب عضب دی کامیاب تکمیل تھیندی ہے جیں دے بعد ہنڑ پورے ملک اچ اپریشن رد الفساد جاری ہے ایندی وجہ توں پاکستان ااچ دہشت گردی دے واقعات اچ چنگی گھٹکی تھی ہے ۔