اسلام آباد ۔ 22 اپریل (اے پی پی) قائم مقام سپیکر قومی اسمبلی مر تضیٰ جا ویدعبا سی آکھے جو گزریل ساڈھے ترائے سالیں اچ مسلم لیگ (ن) دی حکومت وزیر اعظم محمد نو از شریف دی قیا دت اچ پا کستان کوں ترقی دی راہ اُتے ٹور ڈتے ۔ انہاں آکھیا جو وزیراعظم محمد نو از شریف ملک کوں دہشتگردی اتے اندھاریاں توں پا ک اتے ترقی دی راہ اُتے ٹورنڑاں چاہندی ہے جڈانجو کجھ طاقتاں نہیں چاہندیاں جو ملک توں دہشتگردی کوں مکایا ونجے اتے پاک ۔چین اقتصادی راہداری جیہڑی جو خطے دے کیتے گیم چینجر اہمیت دا حامل منصوبہ ہے تکھے پوڑ پجے ۔ مخالفین وزیرا عظم کوں ملک دی ترقی دے ایجنڈے توں نہیں روک سگدے ۔ انہاں دیاں ساریاںسازشا ںسپریم کو رٹ دے فیصلے دے نال ہئی مک گیاں ہن۔ وزیر اعظم آپنڑیںترائے نسلاں کوں احتساب کیتے پیش کر تے نویں جمہو ری روایت قائم کیتی ہے۔ مخالفین دی جڈاں تلاشی دی واری آندی ہے تاں او ملک اچوں بھج ویندے ہن ۔ انہاں مطالبہ کیتے جوں جنہاں لوکیں دے ناں پانامہ پیپرز اچ آئے ہن اتے جنہاں قرضے معاف کرو ائے ہن ، انہاں دا وی احتساب ہونڑاں چاہیدے ۔ انہاں سپریم کو رٹ دے فیصلے کوں لوکیں دی فتح قرار ڈیندے ہوئیں آکھیا جو ایں فیصلے اُتے پا کستان دی عوام جیہڑی خوشی دا اظہار کیتے ایندی مثال نہیں ملدی ۔
