اسلام آباد ۔ 08 اپریل(اے پی پی)وزیرِ داخلہ چوہدری نثار علی خان آکھیا جو مسلم لیگ ن دی حکومت ملک کوں بدامنی اتے بحراناں توں کڈھ کراہیں ترقی دے رستے تے ٹرنڑ دی بنیاد رکھ ڈتی اے،تعلیم ،صحت،پیونڑ دے صاف پانڑی ،بہتر ذرائع آمدورفت اتے کرپشن جیہے مسئلیاں دے موثر تدارک سانگے ضروری اے جو انتظامی مشینیری اتے خصوصاً بلدیاتی نمائندے آپنڑی ذمہ واریاں دا احساس کرن اتے انہاں مسئلیاں دے حل سانگے میڈی معاونت کرن ،منتخب نمائندے عام آدمی دی طاقت اتے آواز بنڑن تانجو او آپنڑے حق سانگے آواز چاوے،انہاں اے گالھ واہ کینٹ دے بلدیاتی نمائندگان،مسلم لیگ ن دے اکابرین اتے علاقہ دے معززین نال خطاب کریندیں ہوئیں آکھی۔
